Blindheimscup 27-29. mars

Flott innsats av Tambar sine lag i BIL cup på møre i helga. Tambar U19 var nær å ta gull i sin klasse, Tambar 1 blei nr.3 i U16 klassen. U14-laget stilte også i U16-klassen og gjorde ei kjempeturnering med å komme seg heilt til kvartfinale der dei blei utslått av Tambar 1.

---

Resultat:

U19-klassen: finale Tambar-Blindheim 1-2 (25-23,18-25,15-17)

Andre resultat: Tambar-ÅVK, 2-0 (25-17, 25-9), Tambar-Volda, 2-0 (25-19, 25-24) Tambar-Blindheim, 0-2 (17-25, 21-25), Tambar-Ulstein, 2-0 (25-10, 25-8), Tambar-Grong, 2-0 (25-24, 25-8).

U16-klassen: bronsefinale Tambar 1-Ellingsøy, 2-1 (25-22, 21-25,15-13)

Andre resultat: Tambar 1-Hessa, 2-0 (25-11, 25-10), Tambar-Nyborg, 2-0 (25-13, 25-13), Tambar 1-Blindheim 2, 1-1 (23-25, 25-20), Tambar 1-Tambar2, 2-0 (25-11, 25-14), Tambar 1-Førde 1, 0-2 (20-25,19-25).

U16-klassen: Tambar 2-Fræna, 2-0 (25-19,25-22), Tambar 2-Grong, 2-0 (25-22, 25-10), Tambar 2-Volda, 0-2 (12-25, 12-25), Tambar 2-Molde, 2-1 (25-19, 23-25,15-13), Tambar 2-Tambar 1, 0-2 (11-25,14-25), Tambar 2-Blindheim 2, 1-2 (25-16, 18-25, 9-15), Tambar 2-Førde 2, 0-2 (22-25, 24-25).


U14-jentene gjorde ein strålande innsats i U16-klassen under årets Blindheimscup!
På biletet oppe f.v.: Bente Finsrud, Lena Kvellestad, Trine Einevoll, Eline Tanstad Lillehaug og Veronika Djupvik.
Nede f.v.: Karoline Salbu, Kristin Standal, Martine Mallasvik og Solveig Kvellestad. Kristina Nyman var med i helga, men er ikkje med på biletet.

God innsats av det unge Tambarlaget i siste kampen i 2 divisjon i år

Tysdag 24.februar var siste seriekamp for 2.divisjon for Tambar mot Førde/sunnfjord i gymnastikksalen på Solvang. Planen var å få bruke U17-laget som innkøyring til NM, men laget var ikkje fulltallig, då vi framleis har noko skade og sjukdom mellom spelarane.

Jentene gjorde ein god kamp og sjølv om vi prøvde ut litt nye posisjonar takla spelarane det bra - det er lovande for fleksibiliteten vi treng til NM.
Dei eldre Solvangelevane måtte kjempe hardt for å vinne kampen 3-2, sjølv om litt av futten gjekk ut av Tambarlaget i siste sett. Settsiffera Førde/Sunnfjord - Tambar vart: 12-25, 25-22, 21-25, 25-20 og 15-8.

Spelarar på Tambar i kampen var Ina Steiro Herstad (92), Frida Hjelle Aamot (92), Marina Gjøringbø (93), Caroline Helle (93), Randi Horstad (93), Oda Heggedal Longvastøl (93) og Annette Kalland (94).

Siw

Ny adresse til heimesida

Tambarvolley.moo.no har no endra adresse til www.tambarvolley.no!

U14-turnering

Søndag 15.03 spelte U14-jentene turnering i Førdehuset. Både Tambar 1 og Tambar 2 vann puljene sine, og kom dermed til semifinale. Tambar 2 spelte mot Førde barneskule 1, og tapte 0-2 (18-25, 24-26). Tambar 1 vant over Førde barneskule 2 i sin semifinale, 2-0 (25-17, 25-8).

Jentene på Tambar 2 spelte bronsefinale mot Førde barneskule 2 og vant 2-0 (25-10, 25-16). Medan Tambar 1 spelte finale mot Førde barneskule 1, som dei vann 2-1 (17-25, 25-19, 15-10).

Begge laga gjennomførte ei veldig god turnering, med mykje bra spel. Så dei har all grunn til å vere fornøgde med 1. og 3. plass :)

Lagleiarar: Dag Rune, Børge og Mari.

2.divisjon-ranking

Laurdag 14.mars deltok Tambar sitt Jenter U17-lag i 2 div. ranking-turnering i Førdehuset.

Målsettinga med turneringa var å få samspelt JU17-laget i ei turnering som førebuing til NM, dessutan er det kjekt å møte nye lag. Det var 4 kampar på 4 timar, deretter måtte spelarane dømme 2 paralelle kampar for så å spele 2 plasseringskampar til slutt. Eit rimeleg tøft opplegg når vi har Mari, Ina og etterkvar også Trude av dei 10 spelarane ute med sjukdom/skade. Resten av gjengen måtte dermed stå på for fullt gjennom alle kampane.

Sjølv om vi ikkje fekk prøvd ut alt vi hadde tenkt i løpet av turneringa med så få spelarar (7), sikra vi oss 4.plassen både i innleiande serie og i sluttspelet som var mellom dei tre siste laga. Vi var særleg nøgde med at vi fekk ein god kamp mot Førde/Sunnfjord og ein svært godt sett mot Volda i sluttspelet. Ellers fekk vi blokka mykje og kjenne på at vi byrjar å få til timinga på det. Trur det gjorde særleg godt for dei som fekk oppleve å blokke tidlegare Tambar- og elitespelar Unn Kvennset.

Sjølv om jentene helst ville vinne alle kampar, så er dette svært god innsats med det aller yngste laget i turneringa.

Kampresultata:

Innleiande serie:

Tambar- Førde/Sunnfjord: 0-2 (23-25, 20-25)

Tambar - Førde: 2-1 (23-25, 25-16, 15-9)

Volda - Tambar: 2-0 (25-18, 26-16)

Tambar- Kristiansund: 0-2 (15-25, 18-25)

Sluttspel (om 3 plassen)

Førde - Tambar: 1-2 (25-18, 10-25, 14-16)

Volda - Tambar: 2-1 (25-12, 22-25, 15-7)

Sluttresultat:

1. Førde/Sunnfjord, 2. Kristiansund, 3 KFUM Volda, 4. Tambar, 5. Førde

Siw

U-17 spelarane. Oppe f.v.: Marina Gjøringbø, Ina Steiro Herstad, Trude Anette Vallestad, Randi Horstad og Caroline Helle.
Nede f.v.: Frida Hjelle Aamot, Oda Heggedal Longvastøl, Benedikte Kalland og Annette Kalland. Mari Horstad var ikkje til stades.

2.divisjon-ranking

Laurdag 14.mars er det 2.divisjon-rankingturnering i Førdehuset. I kvinneklassen er det berre 5 lag påmelde, så derfor skal alle laga spele mot kvarandre. Tambarjentene stiller med reint U-17 lag. Tambar møter først Førde/Sunnfjord kl.10.00, deretter Førde 2, Volda også Kristiansund. Alle kampane går rett etter kvarandre, så det vert 4 timar utan pause..

8.mars var det U16-turnering for jenter i Naustdalshallen

Det vart ei litt intern turnering med berre 2 lag frå Førde og 2 lag frå Tambar. Det vart likevel ein dag med mange gode kampar med stor innsats frå alle laga si side. Totalt sett imponerar særleg det unge Tambar laget med 95 og 96 spelarar som jobba svært godt og ytte god motstand til dei andre laga med eldre spelarar.

Siw

Resultat frå siste rankingturnering 1.divisjon damer i Førde

Tambar vart til slutt nr. 8 under rankingturneringa i Førdehuset laurdag og søndag. Laget vann kun ein kamp og tapte fire, og fekk dermed maksimalt ut av turneringa. Laget spelte først mot eit ungt Toppvolley-lag på laurdag, og vann 2-1 etter settresultat 20-25, 25-18 og 15-11. I den andre innleiingskampen vart det 0-2 tap mot Kristiansand, 19-25 og 17-25.

Kvartfinale mot Dragvoll, kanskje den beste kampen i helga, men likevl 0-2 tap etter settsiffer 22-25 og 27-29. I spelet om 5.-8.plassane på søndag, vart det først 1-2 tap mot OSI og deretter 0-2 tap mot Osterøy.

Sturle


I ein timeout under kampen mot OSI.

Volleyball 1.div. fredag 6. mars

Tambar tapte mot trondheimslaget Åsheim i hallen fredag ettermiddag. Tambar kom aldri i gong med spelet sitt, og tapte klart 0-3, settresultat: 16-25, 22-25, 20-25.

Laurdag og søndag avsluttar laget sesongen i Førdehuset med rankingturnering nr.3 i 2008/2009 sesongen. Tambar er i pulje med Kristiansand, som leier avd. 2 og Toppvolley 2. Laget spelar mot Toppvolley kl. 11.30 og Kristiansand kl.14.00 i morgon. Det vert kampar i Førdehuset både laurdag og søndag.

Sturle


Synnøve Øyra Iversen i angrep

Tap for Tambar mot Osterøy i 1.divisjonskamp i hallen søndag 1.mars

Tambarjentene tapte 0-3 (15-25, 22-25 og 19-25) mot tabelltoar Osterøy. Mykje godt forsvarspel frå Tambar som vi berre tidvis klarte å omsette i gode avslutningar. I Synnøve Øyra Iversen og Eva Linn Hove Ås sitt fråvær vart det litt for mykje ansvar på Mari Standal på sin kantposisjon.

Neste kamp er mot Åsheim, fredag 6.mars kl.18 i Naustdalshallen, og vi avsluttar sesongen i 1.div. med siste rankingturnering i Førdehuset 7-8. mars.

Sturle